تامر حبيب: إسعاد يونس السبب في تنفيذ "سهر الليالي 2"

كشف السيناريست تامر حبيب عن التحضيرات الأولية لفيلم "سهر الليالي 2"، وما سيربطه بالجزء الأول، مؤكدا أن الإعلامية إسعاد يونس هي السبب وراء حماسه للفكرة.

وقال حبيب في تصريحات إعلامية: "إسعاد يونس كلمتني وقالتلي إيه رأيك نعمل سهر الليالي 2، والكلمة دي اتقالتلي خلال الـ 23 سنة اللي فاتت كل سنة ونص تقريبا، واشمعنا المرة دي تحمست، كان السؤال الأهم هو ليه نعمل جزء تاني، وهل هنكمل مع الـ 8 كابلز ونشوف عملوا إيه بعد 23 سنة، لكن لو فكرنا هنلاقيهم مش موجودين كلهم، وكمان المشاكل الزوجية بقت أعنف، فهنعمل 4 كابلز جداد وفي حاجة هتربطهم بسهر الليالي 1".

وأضاف أن الخطوات الفعلية للجزء الثاني بدأت بالفعل، وهو من تأليفه وإخراج مخرج كبير سيتم الإعلان عنه قريبا.

وأوضح أن الفيلم يمثل بداية تعاون استراتيجي بين "العربية سينما إنترناشيونال" و"كايرو فيلمز"، لتأسيس منصة طويلة الأمد للتطوير والإنتاج المشترك للأفلام والمسلسلات والمشروعات الإبداعية، مع إمكانية استقبال شراكات وتمويلات جديدة، بهدف إنتاج قصص عربية أصيلة تلامس وجدان الجمهور.